REGULERT AREAL
Godkjent regulert areal juni 2020, 930 daa brutto
.
Lokalisering
Lyseparken ligg sentralt langs ny E39 sør for Bergen i Bjørnafjorden kommune. Reiseavstanden til internasjonal flyplass vil bli ca 12 minutt og til Bergen Sentrum vil det ta ca 15 minutt.
Sjå fleire detaljer på karta »
Om Lyseparken
Lyseparken er eigd av Bjørnafjorden kommune som legg tilrette for framtidas arbeidsplassar, og utviklar eit næringsområde basert på fornybar energi og sirkulær økonomi.
Les meir om Lyseparken »
Miljø og energi
Lyseparken vert planlagt som eit klimavenleg næringsområde med omsyn for nærmiljø, fokus på bruk av lokale energiressursar og eit framtidsretta energisystem.
Les meir om planane her »
Kunnskapsdeling
I utviklingsarbeidet har Bjørnafjorden kommune opparbeidd seg god kunnskap om å ta vare på biologisk mangfald, lokale energiressursar, framtidsretta energisystem og innovativ mobilitet.
Rapportane kan lesast her »
Lokalisering
Land: Noreg
Region: Vestlandet/Bergen
Hovudeigar av arealet: Bjørnafjorden kommune
Lyseparken næringsområde ligg i Bjørnafjorden kommune rett sør for Bergen. Ny kyststamveg E39 gir berre 15 minutters reiseveg til Bergen sentrum, 12 minutt til Bergen lufthamn Flesland og under 60 minutt til Vaksdal, Nordhordland og Stord.
Med si sentrale plassering er det kort veg til Noregs nest største by med universitet- og høgskulemiljø, forsknings- og næringsklynger.
Det betyr i tillegg kort veg til etablerte bustadområde på Søfteland, Osøyro og Fana, samt utviklingsområdet Lysefjorden med opptil 1 000 – 1 200 nye bueiningar planlagt.
Lyseparken vil nå ein arbeidsmarknad som favner omlag 162 000 arbeidstakarar med både høgare utdanning og industrikompetanse.
Med ei etablering i Lyseparken får ein nærleik til storbyen Bergen med kompetansemiljø innan olje, gass, maritim sektor og det grøne skiftet, i kombinasjon med eit framtidsretta næringsområde som legg til rette for morgondagens berekraftige løysingar allereie i dag.
Ei berekraftig etablering i Lyseparken vil kunne gje innovative ringverknader i heile Bergensregionen.
Utbyggingsområda i Lyseparken er delt i 19 delområde – sjå korleis på kartet under.
1
2
1
Lyseparken
2
Bergen
Om Lyseparken
Lyseparken er eit utbyggingsområde på ca. 700 daa kor om lag 500 daa er godkjent regulert som byggeområde. Næringsområdet ligg nær Bergen, og tilbyr innovative moglegheitar for grøne og berekraftige verksemder.
Bjørnafjorden kommune har ambisiøse planer om å gjere dette til eit næringsområde basert på fornybar energi og sirkulær økonomi, og har utvikla ein framtidsorientert områdereguleringsplan. Kommunen ønsker fleire lokale arbeidsplassar og vil tilby eit område der flinke hender, kloke hovud og innovative verksemder kan sette i gong.
Lyseparken har gjennom heile utviklingsfasen vore planlagt som eit supplement til ein betre dynamikk og næringsbalanse i Bergensregionen.
Byggeområdet fordeler seg med eit sørområde på 183 daa, eit nordområde på 255 daa, infrastruktur på om lag 60 daa og eit naturområde på 200 daa. I samband med ny E39, som opnar i 2022, vert det bygd ein fylkesveg gjennom planområdet som skal knyte saman noverande og nye bustadar i Lysefjorden i vest med næringsparken og E39.
Når ny E-39 opnar i 2022 vil tilgjengeligheita vere særs god for verksemder med stort transportbehov.
Naudsynt kapasitet på kjølevatn kan løysast i det nærliggande Vindalsvatnet eller frå sjø i Lysefjorden. Overskotsvarme frå produksjonen kan bli nytta i dei bygningar som kjem i industriområdet og som ei kjelde for vannbåren energi. Denne energien kan nyttast i ny bustad- og samfunnsutbygging i Lysefjorden.
Miljø og energi
Lyseparken skal utviklast som eit klimavennleg og berekraftig næringsområde med fokus på bruk av lokale energiressursar og eit framtidsretta energisystem.
Berekraft skal vere eit grunnleggande prinsipp for utvikling i Bjørnafjorden kommune. Slik utvikling handlar om å ta vare på behova til menneske som lever i dag, utan å øydelegge framtidsmoglegheiter for komande generasjonar. Godkjent plan for Lyseparken er ei kommunal satsing på energi, klima og berekraft.
Satsinga på energi følgjer opp og møter strengare krav til klima, miljø og berekraft i framtida.
Fortrinnet til Lyseparken er ein heilskap i infrastrukturen som utnyttar lokale energi-ressursar, eit smart-grid under bakken, og tilrettelegging for klynger av verksemder med komplimenterende energibehov.
Vestland er kraftfylket framfor nokon og i dag har vi tilgang på 20 MW frå BKK i Lyseparken. I tillegg legg energikonseptet for Lyseparken opp til ein kapasitet på 20 MW frå lokal energiproduksjon gjennom mellom anna sol- og termisk energi.
BKK skisserer at ein vil kunne søkje direktekonsesjon for framføring av straum til verksemder som har eit enda høgare energibehov.
Stor Torvlibelle er ein augestikkar som har tilhald i myrsona som ligg i våtmarksområda mellom den søre og nordre delen.
Bevaring av Torvlibellen og våtmarksområda er godt håndtert i reguleringsbestemmelsene.
Kunnskapsdeling
Høyringsdokument
I utviklingsarbeidet har Bjørnafjorden kommune opparbeidd seg god kunnskap om å ta vare på biologisk mangfald, lokale energiressursar, framtidsretta energisystem og innovativ mobilitet.
Presentasjonsfilm
Ta kontakt
Bjørnafjorden Utviklingsselskap AS
–
Dagleg leiar Alf Sognefest
alf@busas.no
T: 916 11 600
–
Styreleiar Dag-Jarle Aksnes
dag@busas.no
T: 917 57 001
–
Alternativt kan kommunen kontaktast:
post@bjornafjorden.kommune.no
T: 56 57 50 00